Журналист ҚазАқпарат агенттігіне хабарлағандай, Құрмет Талапқазы, қуаңшылықтан зардап шеккен өңірлерге шөп жеткізгені үшін, жаңа үй алды.
Үй Шымкенттегі Солтүстік саяжай мөлтек ауданында орналасқан және барлық жағдайлармен қамтамасыз етілген. Оған табиғи газ қосылған, ауыз су жүйесі тартылған. Үйдің жанынан қоғамдық көліктер өтеді.
«Құрмет Талапқазы «Құрмет» грамотасына лайық еді» деген пікірлер әлеуметтік желіде көптеп тарады. Көпшілік «Халық болып баспана сыйлайық» деген ұсыныстар да айтты. Тіпті мені сол пікірлерге белгілеп жазып жатты. Сондықтан тәуекел етіп, бастаманы қолға алдық. Екі күнде 9 млн теңгеден астам қаражат жиналды. Белгілі меценат Дулат Тастекеев «қанша жинайсыңдар, сонша қаражат қосып беремін» деп уәде берген еді. Жалпы, үйді шамамен 19 млн теңгеге алдық», — деді журналист Мақсат Толықбай.
Бүгін Құрмет жаңа үйінде құрбандық шалып, құран оқытты. Жаңа жылдан кейін ол Шымкенттегі оқуын тегін жалғастырады. Ендігі мақсаты – Алтайдың ар жағындағы әке-шешесі мен бауырларын елге көшіріп әкелу.
«Халыққа рахметімді айтамын. Жиналған ақшаны қайырымдылыққа жұмсамақшы едім, бірақ олар маған ақшаны бермей, үй алып берді. Осы игі іске ұйытқы болған Мақ