Фото: @POLICE_of_KZ
Алматы — Коргас тасжолында жол апатынан екі адам қаза тапты, — деп хабарлайды «Ұлт ақпарат» POLICE_of_KZ телеграм-арнасына сілтеме жасап.
Жол апаты Жетісу облысы Панфилов ауданындағы республикалық автожолдың 333 шақырымында болған.
Алдын ала болжам бойынша, Toyota Camry автокөлігінің 29 жастағы жүргізушісі қарсы жолаққа шығып, Volkswagen Passat көлігімен соқтығысқан.
«Оқиға орнында 25-27 жас аралығындағы екі ер адам қаза болды. Тағы үш зардап шеккен адам жақын орналасқан ауруханаға түрлі жарақаттармен жатқызылды», — делінген хабарламада.
ЖКО дерегі бойынша қажетті сараптамалар тағайындалып, соталды тергеу басталды.
