Петропавл қаласының намысын қорғайтын «Қызыл-Жар» Конференция лигасының үшінші айналымына жолдама алды, — деп хабарлайды Tengrinews.kz агенттігі Vesti.kz сайтына сілтеме жасап.
Хорватиядағы қарымта матчте 2:0 есебі тіркелді. Ойынның 62 минутында Гиорги Иванидзе есеп ашса, араға екі минут салып Мусса Коне таблодағы есепті еселеді.
Еске салайық, «Астана Аренадағы» бірінші кездесуде хорватиялықтар 2:1 нәтижесімен жеңіске жеткен еді. Қос ойынның қорытындысы бойынша 3:2 есебі тіркеліп, «Қызыл-Жар» жарыстың келесі кезеңіне шықты.
Осылайша өз тарихында тұңғыш рет еурокубок турнирінде бағын сынап жатқан солтүстік қазақстандықтар жеке көрсеткіштерін жақсартты.