«Бишкексууканал» өндірістік-пайдалану басқармасының (ӨПБ) стратегиялық маңызды нысанын рейдерлік жолмен басып алуға дайындық жүруде, деп хабарлайды Кабар агенттігі.
«Құрметті қырғызстандықтар! «Бішкексууканал» ӨПБ ұжымы жұртшылыққа, Үйлестіру кеңесіне, Премьер-Министрдің міндетін уақытша атқарушы С.Жапаровқа жүгінеді. Стратегиялық маңызды нысан — «Бішкексууканал» ӨПБ-ны рейдерлік жолмен басып алуға дайындық жүруде. Басқарманың негізгі міндеті – сумен жабдықтау және су тарту.
Су арнасының қызметкерлері саясаттан тысқары. 24/7 демалыссыз және мереке күндерінсіз жұмыс істейді. Басқарма ұжымы үйлесімді механизм ретінде үзіліссіз жұмыс істейді. Алайда, кейбір деструктивті күштер соңғы оқиғалар аясында жағдайды пайдаланып, «Бішкексууканал» ӨПБ-ны өз қолдарына алуға бекінген. «Бішкексууканал» ӨПБ ұжымы саясаттан тысқары және өзінің тікелей міндетімен ғана айналысатынын тағы бір мәрте мәлімдейміз. Ол Бішкек пен оның айналасын ауыз сумен, сондай-ақ ағынды суларды канализациямен қамтамасыз етеді. Жұртшылықты «Бішкексууканал» ӨПБ ұжымын қолдауға және Қырғызстан астанасы үшін стратегиялық маңызды нысанды рейдерлік басып алуға жол бермеуге шақырамыз», — делінген хабарламада.
А